حامل الهم

يااللي تقول الهم يملي حياتي

والحزن يسري بين ضلعي مع الدم

ويااللي على الضيقه معزم تحاتي

تمضي حياتك كلها داخل الهم

تقول للضيقه بقلبي مباتي

والا الجروح بداخلي عدها كم

أنصحك خلك في هدوء وسكاتِ

وأسمع كلامي بعدها قول لي تم

يكفي من الأيام عشت بسباتي

يكفي عروقك كلها مجرى للسم

وقف فـمحرابك  بوقت الصلاةِ

وارفع يديك لخالقك مجلي الهم

واطلبه عيشة كلها في نجاةِ

عيشه هنيه كلها سلم في سلم

ادعيه يغفر لك ذنوب وجناتِ

ربك  كريم ومايعاملك بالظلم

ويالله عفوك قبل يوم الوفاةِ

وقبل يتحلل كل دمي مع العظم