طلب مردود

طلبتك والطلب أدري من أول ماأشرحه مردود

رجيتك لآتخليني وحيدة بين أزماني

حياتي لعبةٍ صارت أمشيها بكل بروود

كرهت اليوم ألواني كرهت أسمي وعنواني

دموعي أصبحت شفرة قوية جرحت الخدود

جلست بوحدتي أنزف وأحس الموت ألفاني

جروحي باقية تنزف وصارت هي بليا حدود

أعالجها وأغمدها وأحس بطلعت أنفاسي

حياتي أبتدت نجمة مضيئة في الليالي السود

عرفتك وأبتدت رحلة طويلة كلها أشجاني

دخيلك ياغلا هالكون طلبتك لآتصير جلمود

ترى نظرة هدب منك تدفن كل أحزاني

أحس بنار في جوفي آلا مني لقيت صدود

أبي كلمة فرح منك تزلزل كل أركاني

أناظر رشفة أهدابك وأحس فيها جفى وجحود

دخيلك مابقى فيني صبر .. كفاية أسلوبك أبكاني

تعبت أبكي تعبت انزف وصوتي ملتوي مشدود

ياليت الموت يلفيني ابيها تموت أيامي 

كتبت ألحين أحزاني وهذا كله المقصود

أين جرحي ونزفي وأكره كل أزماني

طلبتك والطلب أدري شرحته .وشفت منك صدود

خلاص ألحين أدفني تراها جاهزة أكفاني

بقلم الشاعرة : سحايب غلا